Þorrablótið á Laugarvatni var snilldin ein! Er ekki frá því að þetta verði árlegt hér eftir. Var reyndar ekkert mjög hrifin af matnum.. ég borða ekki kynfæri og allra síst ef þau eru súr! En maturinn er svosem ekki aðalmálið..heldur skemmta sér, sýna sig og sjá aðra! Fyrir þorrablótið á Laugarvatni vorum við Skellurnar sem er að sjálfsögðu blakliðið hér á Ísó að spila í Mosó ekki þarf að mállengja það neitt meira nema að við unnum til gullverðlauna sem voru "aðeins" munduð á þorróinu. Læt fylgja með mynd af gullliðinu og okkur Sirru með gullpeninginn (sem var by the ljótur, leit bara út eins og ljótur brosnpeningur!)

 

Enn er verið að klukka og í þetta skipti var það Sella sem var´ann! Ég ákvað að láta slag standa!

Fjögur störf sem ég hef unnið yfir ævina:
Samkaup, á leikskóla, Lyfja, hótel.. nokkur.

Fjórar bíómyndir sem ég gæti horft á aftur og aftur:
Dirty dancing, Löggu/dala/nýtt líf, Stella, Sister act..

Fjórir staðir sem ég hef búið á:
Ísafjörður, Laugarvatn, Balestrand Norge, Geilo Norge (2 síðastnefndu í 3 mán.. það telst með!)

Fjórir sjónvarpsþættir sem mér líkar:
Friends, Sex & the city, grannar, glæstar vonir..

Fjórir staðir sem ég hef heimsótt í fríum:

Costa del sol, Algarve, Luxembourg, uhhh... Reykjavík! (ég verð greinilega að fara að ferðast meira!.

Fjórar síður sem ég skoða daglega (fyrir utan bloggsíðurnar): .
bb.is, visir.is, mbl.is, sport.is,

Fernt matarkyns sem ég held uppá:

Jólamaturinn hennar mömmu, hnetukjúklingur, panana pie a la Sella (djö verð ég að læra að búa svoleiðis til), bbq kjúlli.

4 bækur sem ég les oft..... í:

Tja.... mogginn (ekki bók svosem), æ ég er lens.. ég er afskaplega löt að lesa.

Fjórir staðir sem ég myndi heldur vilja vera á núna:

Sólarströnd, Bandaríkjunum að versla, Laugarvatni (3 dagar í það) og uhmmm... ferðast um Afríku.

4 strákar sem ég skora á að gera þetta eru:

Óskar Atli, Eyvi, Óli Þór.. og æ veit ekki um fleiri.. Kannski Andri Þór ef hann sér þetta.

4 stelpur sem ég skora á að gera þetta eru:
Halldóra, Brynja María, Rakel og Ásgerður.

Þetta klukk dót er nú alveg komið fyrir ofan garð og neðan! Hér eftir er ég í stikki!
Ég er mjög öflugur bloggari þessa dagana.. ég get svosem komið með fleiri orðagrín.. en held að það eigi ekki eftir að vekja mikla lukku. Planið næstu helgi er að sjálfsögðu þorrablót á Laugarvatni... sjibbí!
Sjáumst þar!

Í dag lærði ég setningu sem maður getur lesið jafnt áfram sem og afturábak.

Líbanirakatoyotakarinabíl

Á þessu frábæra stafarugli.. sem er alls ekkert rugl, má sjá hversu skemmtilegt lífið mitt er þessa dagana!

Var að henda inn myndum síðan á jólunum, ball í Hnífsdal og úr bústaðaferðinni góðu. Það fer ekkert á milli mála að Solla var meira og minna með kameruna!

Verð að taka ofan af  fyrir þeim sölustöðum hér á Ísafirði sem hafa teki DV úr sölu. Ég er orðlaus yfir blaðamennskunni og myndi ekki skeina mér einu sinni með því!

Comentaðu nafninu þínu og.....

1. Ég segi þér eikkað handahófskennt um þig

2. Ég segi þér hvaða lag/mynd minnir mig á þig

3. Ég segi þér eikkað sem meikar bara sens fyrir mig og þig

4. Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig

7. Ef þú lest þetta þá verðuru að setja þetta á bloggið þitt.. You MUST

Þá er klukkan nánast korter í jól. Ég hef lítið gert síðustu daga nema vinna sem er fínt.. alla vega svona um mánaðarmótin! Á eftir að kaupa nokkrar jólagjafir og skrifa nokkur kort.. en það reddast eins og allt annað. Ég býst hins vegar við því að fara í jólaköttinn þetta árið hvað jólafötin varðar.. en ég reikna með því að jólafötin í ár verði af slakari kantinum þar sem búðaúarvalið hér vestur á fjörðum er ekki uppá sitt besta.

Í dag sá ég Hemma Gunn.. eða Hemma frænda eins og ég kýs að kalla hann þar sem við erum skyld í 4.ættlið að ég held. Ég gat nú ekki annað en flissað útí annað þegar síminn hans hringdi og hringitónninn hans var "einn dans við mig". Er það ekki soldið lummó? Að hafa hringitón lag sem maður sjálfur syngur.. eða hvað?? Hemmi minn.. sko. Er þá Britney Spears með ooppssssss I did it again hringitón og Stebbi Hilmars með sódóma hringitón og svona gæti ég haldið áfram í allan dag.
Gerða Bjarklind ætlar svo bara að skella sér í paradís á 2.í jólum. Auðvitað er það alveg sjálfsagt þar sem ísó er aðalpleisið þessa dagana. Hlakka til að sjá þig Gerða! Auðvitað mæli ég með því að fleiri fari að frumkvæði Gerðu og leiki sama leik.

Þann 6.janúar verður háður stórleikur í Jakanum, sem er auðvitað íþróttahúsið okkar hér á ísó. Þá mætum við KFÍ stúlkur Haukum b í bikarnum. Við heimastúlkur erum svona að vona að við náum svosem einni æfingu fyrir leik.. meira þurfum við ekki. Körfuboltatæknin og allt sem því fylgir er okkur í blóð borið og æfingar óþarfar fyrir okkur

En nóg um það.. ég anga af skötuógeðishelvítisfýlu. Það er skötuhlaðborð í vinnunni á morgun og það var verið að brasa eitthvað með hana í dag og fokk hvað það er vond lykt af þessu. Ég held að ég sé að því komin að vinna baráttuna hérna á heimilinu um að skatan verði soðin í bílskúrnum þetta árið! Guði sé lof.. þá angar maður ekki fram að páskum af þessum viðbjóði. Ég hef reynt að borða þetta en bara kem þessu ekki niður og ég held að lyktin sé stór hluti af vandamálinu. Held líka að þeir sem borði skötu séu að ljúga að þeim finnist hún góð og sé bara að borða hana til að halda í einhverjar hefðir og eitthvað krapp.

Gleðileg jól allir saman, og þið sem fenguð ekki jólakort frá mér.. það hefur eflaust týnst í pósti..!

Bubbu og Atla fæddist stúlka í kvöld og ég vil nota tækifærið og óska þeim innilega til hamingju með frumburðinn og óska þeim alls hins besta!
Til hamingju með snúlluna!

Var að sjá að Damien Rice verður með tónleika 7.janúar hér á fróni! Men hvað mig langar!

Aldrei hef ég neitt til að skrifa á þetta blogg. Ég geri svosem ekki mikið markvert til að segja frá en það er allt önnur saga.
Það hlaut að koma að því að ég myndi hella niður á einhvern viðskiptavin á hótelinu. Ég semsé hellti bjór yfir einn á föstudaginn síðasta og fokk hvað það var vandræðalegt. Langaði að hlaupa í burtu á nóinu. Ég varð náttla eins og tómatur í framan.. meðan ég náði að stynja uppúr mér "það hlaut að koma að því". Ég eins og asni og Helgi Björnsson stórsöngvari með meiru var meira að segja að borða á sama tíma.. OMG ég vona að hann hafi ekki séð mig! Þetta sama kvöld lamdi ég einnig viðskiptavin. Það var sem betur fer ekki sá sami og ég baðaði uppúr bjór. Þannig var mál með vexti að þarna voru hjón að borða sem voru að fagna brúðkaupsafmæli sínu ásamt syni sínum. Þegar þau fengu eftirréttinn var blys sett á hann. Það vildi þannig til að glóð fór á öxlina á stráknum og þegar ég sá það, byrjaði ég að lemja hann í öxlina í gríð og erg þar til ég áttaði mig á því að ég væri líklegast ekkert að verja hann frá stórbruna heldur gera mig að fífli. Well ég er þá alla vega búin að hella á einhvern.. þannig að það er frá. Er búin að bíða í ofvæni eftir að það gerist síðan ég byrjaði að vinna þarna!

Við vambirnar erum að fara í höfuðborgina á fimmtudag. Það er eins gott að veðurguðirnir verði okkur hliðhollir og að það verði flogið. Planið er að reyna að versla einhverjar jólagjafir og stússast svona aðeins.

Brynja og Ryan Giggs, til hamingju með daginn!

Tók þetta asnalega kaffipróf til að sjá hvaða kaffi ég væri. Það eru bull niðurstöður.. og ég drekk ekki einu sinni kaffi!!

 Latte!

Já það hefur ekki margt á daga mína drifið og því ekki mikið að blogga um.  Ég er búin að vera húsmóðir í næstum 2 vikur og árangurinn ekki látið á sér standa... J Unglingurinn á heimilinu dafnar vel og allt undir kontról á heimilinu.

Á föstudaginn komu Sirra og Bubba í heimsókn og við horfðum á Idol eins og sönnum Íslendingum sæmir. Ég verð að lýsa yfir undrun minni á því að dómararnir allir lofuðu svoleiðis litla sæta strákinn sem hét að mig minnir Viktor. Jesús, Jósep og María mey hvað hann söng illa. Hvernig gat dómurunum fundist þetta í lagi? Páll Óskar er náttla bara skotinn í honum.. en hvað með hina dómaraasnana?? Við áttum ekki orð. Söngurinn skar svo í hljóðhimnuna, hamar, steðja og ístað hjá mér að ég var með höfuðverk í klukkustundir á eftir.

 

Það var víst heljarinnar djamm á vatninu á föstudaginn. Margfalt afmæli og ég veit ekki hvað og hvað. Maður fékk að sjálfsögðu að vita af þessu með upphringingu um miðja nótt. Takk fyrir spjallið EyVi og Gerða..! Leiðinlegt að missa af þessu svaka djammi.

 Síðast en ekki síst.. Arna og Guðni eignuðust strák 16.nóvember og ég vil óska þeim og að sjálfsögðu stóru systurinni innilega til hamingju með gullmolann! J 

Ohh... . EyVVVVii klukkaði mig, ætli ég verði ekki að taka þessari áskorun..læt ekki svona slá mig útaf laginu!

núverandi tími: 21:19
núverandi föt: jeans, bolur, peysa, nærur og brjóstari!
núverandi hár: rót frá helvíti niðrá eyru, en annars sjúskað í tagli. Hvar er Káta krullan??
núverandi pirringur: Verð aldrei pirruð
núverandi lykt: Love spell
núverandi hlutur sem þú ættir að vera að gera: Prjóna vettlingana fyrir Balla bró sem ég byrjaði á að prjóna áðan.
núverandi skartgripir: Hringur sem ég fékk í fermingargjöf, hálsmen frá ömmu Boggu og forláta eyrnalokkar.
núverandi áhyggja: Tekst mér að klára vettlingana??
núverandi löngun: Væri til í ís með heitri karamellusósu...
núverandi ósk: Að peningatréð í garðinum myndi líka blómstra á veturnar.
núverandi farði: Maskari
núverandi eftirsjá: Til hvers að sjá eftir einhverju.. því verður ekki breytt úr þessu. Það er nú einu sinni þannig að það er ekki um rassinn gripið þegar búið er að skíta í buxurnar.
núverandi vonbrigði: Ég get ekki hætt að naga neglurnar
núverandi skemmtun: Mér er ekki skemmt núna.
núverandi ást: Mínir elskulega fjölskylda og vinir... og matarást, já og auðvitað Snótin.
núverandi staður: Tölvuherbergi, Góuholt 5, Paradís. (Ísó selvfölgelig)
núverandi bók: Engin bók... en ég fletti DV áðan.. telst það með?
núverandi bíómynd: horfði á Coach Carter í fyrradag.
núverandi íþrótt: Pikk á lyklaborðið með réttri fingrasetningu.. tekur lúmskt á, blak, og svo er planið að kaupa kort í ræktina...
núverandi tónlist: Engin tónlist, bara lætin í bróðir mínum sem er í einhverjum tölvuleik: Hljómar svona: Af hverju drapstu hann ekki?, nei farðu vinstra megin, fokk, ertu að grínast?, Oj, go short short, nei long... o.s.frv.
núverandi lag á heilanum: Ekki neitt held ég bara.
núverandi blótsyrði: Fy faen, pokker, dauðadjöfull. Mamma dýrkar þegar ég segi það síðastnefnda.
núverandi msn manneskjur: Balli... sem er í næsta herbergi. Sorglegt?
núverandi desktop mynd: Bara blár skjár sem stendur Medion á.
núverandi áætlanir fyrir kvöldið: Prjóna, gera bréf til að senda í bankann í Oslo og eitthvað eitt annað sem ég man ekki hvað var.
núverandi manneskja sem ég er að forðast: hmmm....
núverandi dót á veggnum: Teiknuð mynd af Balla bró, dagatal, og eitthvað ofið (sögnin að vefa) skraut með æðarkolluhreiðri á.

Jæja þá er það komið... Ætla ekki að klukka neinn nema Sellu því hún var svo grobbin um daginn því það væri ekki hægt að klukka hana því hún var ekki með síðu. En núna er hún komin með slíka svo... KLUKK Sella gella!!
Annars ekki neitt að frétta, nema auðvitað að ég er komin heim. Skildi Óla drjóla einan eftir í Osló með brjálaða nágrannann. Er að vinna á hótelinu við að þjóna. Er viðbjóðslega klaufsk, en ekki ennþá búin að hella niður á neinn en ég bíð eftir að það gerist.

Til hamingju með daginn Skratlalingur!
Later!

Sá þennan brandara á síðunni hjá "ofurdívum", semsé kvenkyns nemendum á 2 ári í ÍKÍ! Fannst hann soldið sniðugur og ákvað að nappa honum! Takk fyrir stúlkur!

Kona ein var að steikja egg handa sínum heitt elskaða eiginmanni. Allt í einu ryðst bóndinn inn í eldhúsið. "Varlega varlega...! Guð hjálpi mér...! Þú ert að steikja OF mörg egg í einu. OF MÖRG!! Snúðu þeim! SNÚÐU ÞEIM NÚNA! Meira smjör! Guð minn góður! ÞAÐ ÞARF MEIRA SMJÖR! Eggin munu festast! Varlega...VARLEGA! Ég sagði VARLEGA! Þú hlustar aldrei á mig þegar þú eldar! ALDREI! Snúðu þeim! Drífðu þig! Ertu geggjuð! Ertu búin að tapa glórunni? Ekki gleyma að salta þau! Þú gleymir alltaf að salta þau. Nota salt. SALT!" Konan horfði á manninn sinn og sagði: "Hvað er eiginlega að þér? Heldur þú virkilega að ég kunni ekki að steikja tvö egg?" Eiginmaðurinn svaraði rólega: "Jú jú mig langaði bara að leyfa þér að finna hvernig mér líður þegar ég er með þig í bílnum."

Mátti til með að henda þessari mynd af okkur Saló hérna inn sem ég sá á síðunni hennar Elísu.. gaf mér það bessaleyfi.. Takk Elísa! Þessi mynd er síðan í leikskóla á Hlíðarskjóli.. nokkur ár síðan! Fokk hvað var gaman að leika í dúkkukróknum! Já í þá gömlu góðu...

Lítið að frétta annars. Unnum leikinn í gær 62-30 minnir mig. Held að þetta hafi verið með leiðinlegri leikjum sem ég hef spilað. Allt svo útum allt eitthvað og í klessu! En við unnum.. það er fyrir öllu!

Á föstudaginn kl.7:30 þegar morgunhaninn (það er ég sko) var á leið í vinnuna með stírurnar í augunum blöstu við mér 3 jólasveinar útá strætóstöð að bjóða gangandi vegfarendm smákökur. Ég veit ekki hvað ykkur finnst en mér finnst það fullsnemmt. það eru jú 2 mánuðir í jól! Það styttist samt víst í það að jólalögin fari að hljóma í útvarpinu og slíkt.. en mér finnst það megi bíða alla vega þar til í fyrsta lagi 20.nóvember! Sá nokkur snjókorn falla af himnum í dag.. en þau voru farin med det samme! Vona að þau komi ekkert strax aftur.. nenni ekki snjó alveg strax. Sá að það er allt orðið hvítt á Ísó písó!

Friður!

Þegar ég er í vinnunni hef ég yfirleitt alveg nægan tíma til að hugsa alveg ógeðslega mikið um allan andskotann þar sem ekki eru margir að tala við. Í dag var ég mikið að spá í hvenær kæmi að því að ég myndi lenda í svona ævintýri eins og Jennifer Lopez lenti í í kvikmyndinni Maid in Manhattan! Mér líður stundum eins og J-Lo þegar ég banka á herbergin á hótelinu og segi seiðandi röddu "housekeeping". Alltaf er ég að vona að innan herbergisdyranna standi þar draumaprinsinn í öllu sínu veldi, við föllum í stafi og við lifum hamingjusöm til æviloka. Það hefur ekki gerst hingað til, en ég meina það lukkaðist hjá Jennifer! Kannski tek ég þetta bara beint eftir J-Lo og máta föt einhvers gestsins, dramaprinsinn sér mig og við förum í göngutúr og við lifum hamingjusöm til æviloka! Þá þakka ég Jennifer auðvitað fyrir hugmyndina í brúðkaupinu okkar (okkar draumaprinsins sko). Veit ekki alveg hvort það virki samt en ég á pottþétt eftir að tékka á því einhvern daginn.

Ég er kannski farin að hugsa eilítið of mikið.. mar má lifa í voninni!

En nóg um það.. það er leikur á morgun hjá okkur OSK stúlkum.Vona að það gangi betur en í gær þegar við spiluðum æfingaleik sem við skíttöpuðum og vorum lélegar!

Síðast en ekki síst vil nota tækifærið og óska unglingnum honum föður mínum innilega til hamingju með afmælið í dag! Kiss og knús til þín! Vil einnig skora á þig faðir þar sem þú ert tæknitröll og ég veit að þú skoðar síðuna mína að þú kvittir fyrir komu þína!

Takk fyrir allar afmæliskveðjurnar!